Një dietë e shëndetshme është e domosdoshme për të gjithë, veçanërisht për fëmijët. Një mënyrë e tillë e të ushqyerit sjell përfitime për gjithë organizmin tonë, përfshirë edhe shëndetin oral.
Shëndeti i gojës ndikohet nga shumë faktorë, dhe ushqyerja luan një rol kyç. Pasi fëmijët nuk kanë kontroll mbi atë që konsumojnë, është detyrë e prindërve të zgjedhin ushqimet e duhura për të ndihmuar zhvillimin e dhëmbëve dhe ruajtjen e shëndetit të mishrave të tyre.
Më tej, do të diskutojmë më në detaje ndikimin e zgjedhjeve të shëndetshme ushqimore në dhëmbët e fëmijëve, në mënyrë që të merrni vendime më të mira për shëndetin e tyre oral.
Rëndësia E Dietës Për Shëndetin Dentar Të Fëmijëve
Në këtë blog ne dëshirojmë të theksojmë ndikimin e madh që ka ushqyerja në shëndetin oral të fëmijëve. Çdo ushqim apo pije që ata konsumojnë ndikon drejtpërdrejt në zhvillimin e dhëmbëve dhe në shëndetin e mishrave të tyre. Ky ndikim mund të jetë pozitiv ose negativ, në varësi të asaj që përfshihet në dietën e tyre të përditshme.
Shumë ushqime dhe pije të promovuara për fëmijët janë të mbushura me sheqer dhe aditivë të dëmshëm. Këto përbërës shkaktojnë prodhimin e acideve të dëmshme, të cilat dëmtojnë smaltin e dhëmbëve dhe rrisin rrezikun për zhvillimin e kaviteteve.
Me kalimin e kohës mund të shkaktojë dëmtim serioz të strukturës së dhëmbit dhe krijimin e vrimave të vogla në të. Për këtë arsye, rekomandojmë që prindërit të kufizojnë sa më shumë konsumimin e pijeve dhe ushqimeve me sheqer, si pijet e gazuara dhe ëmbëlsirat, të cilat janë kaq shumë të preferuara nga fëmijët.
Në vend të sheqerit të përpunuar, mund të përfshini në dietën e fëmijës tuaj fruta, perime dhe ushqime të pasura me lëndë ushqyese të rëndësishme. Këto ushqime janë shumë më të shëndetshme dhe nuk i dëmtojnë dhëmbët. Ato ofrojnë vitamina, minerale dhe lëndë ushqyese thelbësore që ndihmojnë në forcimin e kockës së nofullës dhe mbrojtjen e dhëmbëve. Një nga mineralet më të rëndësishme është kalciumi, i cili gjendet tek qumështi, kosi, bajamet dhe djathi.
Përveç një diete të shëndetshme, është po aq e rëndësishme që fëmija të mësohet që herët me bazat e higjienës orale. Edhe pse deri në një moshë atyre nuk u kanë dalë të gjithë dhëmbët, mirëmbajtja e atyre që kanë dalë është e dosmosdoshme.
Në farmaci mund të gjenden lehtësisht furça dhëmbësh të përshtatshme për çdo moshë. Për të zgjedhur të duhurën, mund të konsultoheni me dentistin tuaj. Ashtu si të rriturit, fëmijët duhet të pastrojnë dhëmbët dy herë në ditë. Gjithashtu, kontrollet e rregullta dentare janë të domosdoshme për të identifikuar dhe trajtuar problemet që mund të shfaqen që në fazat e hershme.
Nga kjo kuptojmë se një dietë e shëndetshme dhe një higjienë e mirë orale janë thelbësore jo vetëm për të rriturit, por edhe për fëmijët. Duke ndjekur këto hapa, ndihmoni në zhvillimin e shëndetshëm të dhëmbëve të tyre dhe në parandalimin e problemeve dentare që mund të sjellin pasoja në të ardhmen.
Roli I Sheqerit Në Prishjen E Dhëmbëve
Fëmijët që konsumojnë vazhdimisht ushqime dhe pije të pasura me sheqer të përpunuar, me shumë gjasa do të përballen me prishjen e dhëmbëve në një moment në të ardhmen. Shpesh, prindërit nuk janë të vetëdijshëm për nivelin e lartë të sheqerit të fshehur në produktet që u japin fëmijëve, ose thjesht dorëzohen përballë dëshirave të tyre.
Më tej, do të shpjegojmë gjithçka që duhet të dini për ndikimin e sheqerit në shëndetin oral të fëmijëve. Si ndikon konsumimi i këtyre ushqimeve në dhëmbët e tyre dhe pse janë ata më të rrezikuar nga prishja e dhëmbëve? Le të diskutojmë në më shumë detaje:
Sa Shpesh Konsumojnë Fëmijët Ushqime Dhe Pije Me Sheqer Gjatë Ditës
Siç thamë, faktori kryesor i rrezikut për prishjen e dhëmbëve është sheqeri. Ai gjendet në shumë ushqime që fëmijët konsumojnë, si qumështi, frutat, ëmbëlsirat dhe ushqimet e përpunuara. Megjithatë, është e rëndësishme të dini se sheqeri i përpunuar është shumë më i dëmshëm sesa ai natyral, i pranishëm tek mjalti apo frutat.
Një aspekt kyç në lidhje me dëmtimin nga sheqeri është koha kur ai konsumohet. Sa herë që fëmijët hanë ushqime ose pinë pije të ëmbla, acidet mbeten në gojë për rreth 20-40 minuta, duke dëmtuar smaltin e dhëmbëve. Nëse këto ushqime konsumohen në orare të caktuara, rreziku për zhvillimin e kaviteteve është më i ulët krahasuar me fëmijët që konsumojnë sheqer gjatë gjithë ditës.
Ushqimet Acidike Dhe Ndikimi I Tyre Në Smaltin E Dhëmbëve
Një tjetër faktor i zakonshëm i rrezikut për zhvillimin e kaviteteve është konsumimi i ushqimeve acidike. Acidet mund të gjenden edhe në ushqime të shëndetshme si frutat dhe perimet, prandaj sekreti për t’i shijuar ato pa dëmtuar dhëmbët është gjetja e një balance.
Ajo që bën acidi te dhëmbët është gërryerja e smaltit, shtresa e jashtme që i mbron ata nga prishja dhe dëmtimi. Nëse fëmija vazhdon të konsumojë ushqime dhe pije acidike, dhëmbët e tij do të bëhen më të ndjeshëm ndaj kaviteteve dhe problemeve dentare.
Disa shembuj të ushqimeve acidike përfshijnë frutat agrume, domatet dhe manaferrat. Siç mund ta shihni, këto nuk janë plotësisht të pashëndetshme, pasi ofrojnë shumë përfitime për organizmin. Ajo që ne u rekomandojmë pacientëve tanë është që t’ua japin këto ushqime fëmijëve në sasi të kontrolluar. Gjithashtu, është mirë t’i shoqërojnë me ujë, në mënyrë që acidi të mos mbetet gjatë në smalt dhe të formojë një shtresë të fortë mbi të.
Një tjetër mënyrë për të reduktuar ndikimin e acidit te dhëmbët është kombinimi i tyre me ushqime me përmbajtje të ulët acidi, si djathi dhe vezët. Këto ushqime jo vetëm që mbrojnë dhëmbët, por edhe stimulojnë prodhimin e pështymës, e cila ndihmon në neutralizimin e acidit.
Përveç një diete të ekuilibruar, higjiena e mirë orale është thelbësore për të mbajtur dhëmbët e fëmijës të shëndetshëm. Edhe nëse fëmija juaj konsumon ushqime acidike, pastrimi i rregullt i dhëmbëve me furçë dhe fill dentar do të ndihmojë në largimin e bakterve të dëmshme. Për këshilla mbi përdorimin e fillit dentar tek fëmijët, mund të konsultoheni me dentistin tuaj.
Shumë ushqime dhe pije me përmbajtje të lartë sheqeri nuk kanë asnjë vlerë ushqyese, vitamina apo minerale. Thënë kështu e mira do të jetë t’i eliminoni plotësisht nga dieta e fëmijës suaj.
Pijet e gazuara, për shembull, janë një nga pijet më të konsumuara dhe të preferuara nga fëmijët. Kontakti i tyre me dhëmbët është i drejtpërdrejtë, veçanërisht nëse nuk përdoret pipëz. Këto pije përmbajnë gjithashtu sasi të larta sheqeri, i cili në gojë shndërrohet në acid dhe ushqen vazhdimisht bakteret e dëmshme.
Kështu kuptojmë që ushqimet shumë acidike ndikojnë negativisht në dhëmbët e fëmijëve, pavarësisht nëse janë të përkohshëm apo të përhershëm. Për të reduktuar problemet e mundshme, ne u rekomandojmë pacientëve tanë të krijojnë një dietë të ekuilibruar për fëmijët e tyre.
Këto dieta nuk përjashtojnë plotësisht sheqerin dhe acidet, por kufizojnë ato të përpunuarat. Nëse fëmija konsumon sheqerna dhe acide natyrale në mënyrë të balancuar, ai mund të shijoj ëmbëlsirat pa rrezikuar shëndetin oral.
Rëndësia E Hidratimit Dhe Prodhimit Të Pështymës
Në klinikën dentare të Dr. Roland Zhukës, ne i këshillojmë prindërit ti kushtojnë vëmendje të veçantë shëndetit oral të fëmijëve të tyre. Përveç shmangies së sheqerit dhe ushqimeve acidike, hidrimi i duhur është po aq i rëndësishëm.
Pështyma është thelbësore për mbrojtjen e dhëmbëve dhe mishrave të dhëmbëve. Ajo ndihmon në neutralizimin e acideve dhe në largimin e baktereve të dëmshme, duke ndikuar pozitivisht jo vetëm në shëndetin oral, por edhe në atë të përgjithshëm.
Roli I Hidratimit Në Shëndetin Dentar
Konsumimi i sasisë së duhur të ujit gjatë ditës është një nga gjërat më të mira që mund të bëni për trupin tuaj. Përveçse ndihmon në funksionimin e duhur të organizmit, hidrimi luan një rol kyç në mirëmbajtjen e higjienës orale.
Më poshtë janë disa mënyra se si uji ndikon pozitivisht në shëndetin dentar të fëmijës suaj:
Stimulon Prodhimin e Pështymës
Pështyma është një nga faktorët më të rëndësishëm për shëndetin e gojës. Ajo ndihmon në neutralizimin e acideve, largimin e mbetjeve ushqimore dhe parandalimin e rritjes së tepërt të baktereve. Niveli i ulët i pështymës si pasojë e dehidratimit mund të çojë në tharje të gojës, një gjendje që rrit rrezikun për kavitete dhe sëmundje të mishrave të dhëmbëve. Kjo mund të shkaktohet nga mungesa e konsumimit të ujit ose përdorimi i disa medikamenteve.
Parandalon Formimin e Pllakës Dentare
Pirja e ujit gjatë ditës ndihmon në largimin e karbohidrateve dhe mbetjeve ushqimore, të cilat kontribuojnë në formimin e pllakës bakteriale. Nëse nuk pastrohet rregullisht, pllakëza—shtresa ngjitëse e baktereve—mund të dëmtojë smaltin e dhëmbëve dhe të shkaktojë probleme serioze dentare.
Forcon Smaltin e Dhëmbëve
Në disa raste uji përmban fluor, një mineral thelbësor për forcimin e smaltit të dhëmbëve. Fluori ndihmon në mbrojtjen e dhëmbëve nga prishja dhe i bën ata më rezistentë ndaj kaviteteve. Për një mbrojtje shtesë, mund të konsultoheni me një nga dentistët tanë të specializuar në klinikën dentare të Dr. Roland Zhukës në Shqipëri për trajtime me fluor për fëmijët tuaj.
Këshilla Për Të Inkurajuar Fëmijën Tuaj Të Pijë Më Shumë Ujë
E dimë që t’i mbani fëmijët të hidratuar dhe të eliminoni pijet me sheqer mund të jetë e vështirë, por ne jemi këtu për t’ju ndihmuar. Ja disa këshilla që mund të merrni parasysh:
- Fëmijët do ta shijojnë më shumë ujin nëse përdorin gota ose shishe me personazhet e tyre të preferuar nga filmat vizatimorë.
- Evitoni pijet me sheqer të përpunuar. Uji është alternativa më e mirë për të parandaluar prishjen e dhëmbëve.
- Për t’i motivuar më shumë, përpiquni të konsumoni ujë në të njëjtën kohë me ta ose krijoni sfida argëtuese që i inkurajojnë të pijnë më shumë.
- Për ta bërë ujin më të shijshëm, mund të shtoni feta frutash të freskëta. Kjo do t’i japë një shije natyrale dhe do të ndihmojë në shmangien e efekteve të dëmshme të sheqerit të përpunuar.
Sugjerime Për Zgjedhjen E Ushqimeve Të Shëndetshme Për Fëmijët
Nëse po kërkoni mënyra për të nxitur zhvillimin dhe mirëmbajtjen e shëndetshme të dhëmbëve te fëmijët, këto rekomandime do t’ju ndihmojnë:
Zgjidhni Perime Dhe Fruta
Për të zëvendësuar ushqimet e përpunuara me "snacks të shëndetshme", mbani gjithmonë fruta dhe perime të freskëta në shtëpi. Frutat dhe perimet me përmbajtje të lartë uji, si selinoja, kastraveci, pjepri dhe dardha, janë zgjedhje të shkëlqyera. Banania dhe rrushi i thatë përmbajnë më shumë sheqer, ndaj dentistët këshillojnë konsumimin e tyre në moderim për fëmijët.
Përdorni Djathin Në Dietën E Fëmijës
Djathi është një nga ushqimet më të mira për shëndetin e dhëmbëve të fëmijëve. Përveçse është i pasur me kalcium, ai stimulon prodhimin e pështymës, e cila ndihmon në mirëmbajtjen e shëndetit oral. Gjithashtu, djathi neutralizon acidet dhe largon sheqerin nga sipërfaqja e dhëmbëve.
Shmangni Ushqimet Ngjitëse Ose Të Forta
Fëmijët i duan ëmbëlsirat, veçanërisht ato të buta dhe ngjitëse, të cilat mbeten në dhëmbë për një kohë të gjatë dhe bëhen ushqim për bakteret e dëmshme. Meqë fëmijët nuk dinë ende të kujdesen siç duhet për dhëmbët e tyre, mbetjet e këtyre ushqimeve mund të shkaktojnë kavitete dhe probleme dentare.
E kuptojmë që mund të jetë e vështirë të kufizoni plotësisht këto ushqime, por konsumimi i tyre në moderim është kyç. Nëse fëmija konsumon karamele ose biskota, sigurohuni që ai të pastrojë dhëmbët pas disa minutash pas konsumimit për të shmangur dëmtimin e smaltit.
Mos Jepni Ëmbëlsira Si "Snacks", Por Gjatë Vakteve
Në vend që t’i jepni fëmijës suaj ëmbëlsira si snack gjatë ditës, përpiquni t’ia jepni pas vakteve. Prodhimi i pështymës është më i lartë gjatë ngrënies, gjë që ndihmon në largimin e mbetjeve ushqimore nga dhëmbët. Gjithashtu, lëngjet e konsumuara gjatë vakteve ndihmojnë në shpëlarjen e grimcave të mbetura tek dhëmbët.
Kufizoni Konsumin E Ushqimeve Midis Vakteve
Fëmijët duhet të konsumojnë një sasi të moderuar ushqimesh midis vakteve. Nuk është vetëm sasia e ushqimit që ka rëndësi, por frekuenca e konsumit. Nëse ka periudha më të gjata midis vakteve, pështyma ka mundësi të pastrojë dhëmbët në mënyrë natyrale.
Konsumimi i ushqimeve shpes pa larë dhëmbët krijon një furnizim të vazhdueshëm për bakteret, duke inkurajuar zhvillimin e pllakës bakteriale dhe dëmtimin e dhëmbëve. Mundohuni të kufizoni snack-et në një ose dy herë në ditë, dhe pas konsumimit të tyre, mos harroni të pastroni dhëmbët e fëmijës.
Shmangni Ushqimet Me Sheqer
Minimizoni sa më shumë konsumimin e ushqimeve të pasura me sheqer të përpunuar, pasi ato janë një nga arsyet kryesore të prishjes së dhëmbëve. Produkte si karamelet e forta, çamçakëzi me sheqer, mentet dhe shurupet e kollës mund të dëmtojnë dhëmbët, pasi i mbulojnë vazhdimisht me një shtresë sheqeri.
Në vend të tyre, sugjerojmë që fëmija juaj të konsumojë produkte pa sheqer ose me ksilitol, i cili ndihmon në stimulimin e pështymës dhe reduktimin e baktereve të dëmshme në gojë.
Thënë shkurt, mënyra më e mirë për të mbrojtur shëndetin oral të fëmijës është kufizimi i ushqimeve dhe pijeve me sheqer dhe acid sa më shumë që të jetë e mundur. Sheqeri është një nga shkaktarët kryesorë të prishjes së dhëmbëve, pasi shërben si karburant për bakteret që prodhojnë acid.
Ky acid sulmon smaltin, shtresën mbrojtëse të dhëmbëve, duke e holluar dhe duke e bërë atë më të ndjeshëm ndaj kaviteteve. Uji është i vetmi lëng që nuk dëmton dhëmbët, ndaj duhet të jetë pija kryesore e përditshme e fëmijës suaj.
Kujdes Me Shishet E Fëmijëve
Kurrë mos i jepni fëmijës shishe me qumësht, formulë, lëng frutash ose pije të gazuara para gjumit. Zgjidhja më e mirë është të mbushni shishen me ujë, nëse fëmija ka nevojë për të para se të flejë.
Uji është shumë më i shëndetshëm se çdo lloj lëngu tjetër, edhe nëse ai përmban fruta natyrale. Kjo sepse të gjitha këto pije përmbajnë sasi të larta sheqeri, i cili mbetet në gojë për gjithë natën, duke rritur rrezikun për prishjen e dhëmbëve dhe zhvillimin e baktereve të dëmshme.
Në Përfundim
Në fund të fundit, ruajtja e shëndetit të dhëmbëve të fëmijës suaj është një kombinim i zakoneve të mira orale dhe një diete të shëndetshme. Sa i përket ushqimeve dhe pijeve, përpiquni të kufizoni ato që janë të pasura me sheqer të përpunuar dhe acide, pasi të dyja dëmtojnë smaltin e dhëmbëve.
Zëvendësojini ato me sheqerna natyrale nga mjalti dhe frutat, duke i konsumuar me moderim. Jo vetëm që janë të shijshme, por ofrojnë edhe shumë vitamina dhe minerale të dobishme për organizmin.
Gjithashtu, është po aq e rëndësishme që vizitat te dentisti të fillojnë që me daljen e dhëmbëve të parë. Kontrollet dhe pastrimet dentare të rregullta janë të domosdoshme për të parandaluar, trajtuar dhe zbuluar problemet dentare që në fazat e hershme.
Jeni gati të mbroni buzëqeshjen e fëmijës suaj? Rezervoni tani një konsultë në klinikën dentare Implantus të Dr. Roland Zhukës dhe kujdesuni për shëndetin e tyre oral!
Shqip 
English 
Italiano 
Français 