Implantet Zigomatike Në Klinikën E Dr. Roland Zhukës Në Shqipëri

Implantet zigomatike janë një nga alternativat më inovative të implanteve tradicionale, të dizejnuara për të zëvendësuar dhëmbët që mungojnë dhe për të ndihmuar në rehabilitimin e maksillës atrofike të pasme. Ky lloj implanti dentar eliminon nevojën për procedurat e transplantimit të kockave ose të sinuseve, duke kontribuar kështu në një trajtim më të shkurtër dhe më të thjeshtë. Gjithashtu bën të mundur që edhe pacientët me maksillë të resorbuar të zëvendësojnë dhëmbët në mënyrë të përhershme. Nëse gjendja e gojës tuaj nuk ju bën të përshtatshëm për implantet dentare tradicionale, por dëshironi të rivendosni dhëmbët që ju mungojnë, implantet zigomatike janë zgjidhja perfekte për ju. Ky blog synon t'u përgjigjet të gjitha pyetjeve tuaja mbi këtë opsion, si dhe t'ju ofrojë informacion të detajuar mbi praktikat e Dr. Roland Zhukës për realizimin e implanteve zigomatike në Shqipëri.

Çfarë Janë Implantet Zigomatike?

Implantet zigomatike janë një lloj i veçantë i implanteve të krijuar për të siguruar mbështetje për një hark të plotë të dhëmbëve në rastet kur pacienti nuk ka mjaftueshëm kockë në nofullën e sipërme. Kirurgjia për vendosjen e implanteve zigomatike përfshin implantimin e tyre në kockën zigomatike (mollëzën), e cila është e dendur dhe siguron një bazë të sigurt për kurorat. Për shkak të pozicionimit të implanteve, implantet zigomatike zakonisht janë më të gjata se implantet tradicionale. Gjatësia e tyre varion nga 35 mm në 55 mm. Gjatësia e duhur për çdo pacient përcaktohet sipas strukturës së fytyrës së tyre, në mënyrë që të përshtatet sa më mirë. Pozicionimi i saktë i implanteve zigomatike në një kënd 45 gradë ofron stabilitet dhe suport, ndërkohë që eviton procedurat shtesë si shartimi i kockave.

Çfarë E Shkakton Humbjen E Kockave Në Nofullën E Sipërme?

Ka shumë faktorë që kontribuojnë në humbjen e kockave në nofullën e sipërme. Megjithatë, tre arsyet kryesore janë:

• Sëmundja periodontale e patrajtuar: Nëse sëmundja periodontale lihet e patrajtuar, mund të shkaktojë probleme dhe komplikime të mëdha, duke përfshirë përkeqësimin e kockave rreth dhëmbëve, paqëndrueshmëri dhe humbje të dhëmbëve. 
• Traumat fizike: Aksidentet dhe lëndimet e fytyrës janë një nga arsyet më të zakonshme pse pacientët përjetojnë humbje kockore me kalimin e kohës. 
• Mungesa e dhëmbëve: Me kalimin e kohës humbja e dhëmbëve mund të shkaktojë përkeqësimin e masës kockore. Nëse dhëmbët që mungojnë nuk zëvendësohen në kohën e duhur, kocka e nofullës do të fillojë të humbasë densitetin për shkak të mungesës së stimulimit të ofruar nga dhëmbët. 

Cilat Janë Avantazhet E Implanteve Zigomatike?

Implantet zigomatike ofrojnë një gamë të gjerë avantazhesh, duke i bërë ato zgjedhjen e preferuar për pacientët që vuajnë nga humbja e kockave në nofull. Fillimisht duhet të dini se implantet zigomatike ofrojnë një bazë shumë të fortë për restaurimet dentare, duke përfshirë urat apo protezat. Kjo siguron që pacientët të rifitojnë aftësinë e tyre për të folur dhe për të konsumuar të gjitha llojet e ushqimeve njësoj siç do të bënin me dhëmbët e tyre natyralë. 

Për më tepër, implantet zigomatike u ofrojnë pacientëve me humbje të rëndë kockore në zonën e maksillës një alternativë shumë funksionale për zëvendësimin e dhëmbëve. Edhe nëse nuk jeni një kandidat i përshtatshëm për implantet dentare tradicionale apo edhe për implantet "All-on-4", kjo do të jetë një mënyrë se si do të mund të vendosni implante pa pasur nevojë për transplantimin e kockave. 

Përveç kësaj, koha e rikuperimit pas operacionit të implantit zigomatik është zakonisht më e shkurtër në krahasim me kirurgjinë tradicionale të implantit dhe shumica e pacientëve mund ti rikthehen aktiviteteve të tyre normale brenda pak ditësh. Kjo i bën implantet zigomatike një trajtim shumë fleksibël dhe të përshtatshëm për njerëzit që kanë ditë të ngarkuara. Nëse po kërkoni për një stomatolog, Dr. Roland Zhuka është i specializuar në implantologjinë e avancuar dentare, me fokus në implantet zigomatike, pterygoide dhe nazale. Ai ka dekada përvojë në kryerjen e këtyre llojeve të ndërhyrjeve tek pacientët me nivele të ndryshme kompleksiteti të rasteve. Dr. Zhuka do të jetë në gjendje të kryejë ndërhyrjen në një kohë mjaft të shkurtër, duke ju dhënë mjaftueshëm kohë për të pushuar, rikuperuar dhe për të shijuar pamjen e dhëmbëve tuaj të rinj.

Një nga avanazhet më të rëndësishme është se implantet zigomatike janë një zgjidhje afatgjatë në rastet kur keni humbje të dhëmbëve. Shumë njerëz që kanë hasur këtë problem shpesh i shohin protezat si jashtëzakonisht të parehatshme pasi ato rrëshqasin dhe i pengojnë të konsumojnë lloje të ndryshme ushqimesh. Implantet zigomatike ofrojnë një zgjidhje që imiton në mënyrë të përkryer si aspektin funksional ashtu edhe atë estetik të dhëmbëve tuaj natyralë. Me këto implante do të jeni në gjendje të buzëqeshni, të qeshni dhe të hani pa hasur ndonjë shqetësim. Dr. Zhuka punon ngushtë me stafin e laboratorit të tij dentar, i cili përdor pajisjet më të fundit moderne për të përgatitur kurorat e implanteve dentare me pamje sa më natyrale për çdo pacient. Ne do të sigurohemi që të krijojmë një rresht dhëmbësh që përputhen me strukturën e fytyrës tuaj në mënyrë perfekte, duke ofruar një pamje krejtësisht natyrale, simetrike dhe tërheqëse. 

Çfarë Ndodh Gjatë Procedurës Së Implantit Zigomatik?

Kirurgjia e implanteve zigomatike përfshin disa hapa të ndryshëm në krahasim me implantologjinë tradicionale. Vendosja e implanteve zigomatike ndryshon si në zgjedhjen e kockës mbështetëse ashtu edhe në vendosjen e saktë në një kënd 45 gradë. Dr. Roland Zhuka ka dekada përvojë në implantologjinë e avancuar dhe është një ekspert në vendosjen e implanteve zigomatike. Këtu është një përmbledhje e shkurtër se çfarë ndodh nëse jeni një kandidat i përshtatshëm për këtë lloj procedure:

Konsultimi Fillestar

Përpara se të vazhdoni me procedurën e implantit zigomatik, së pari duhet t'i nënshtroheni të gjitha ekzaminimeve të nevojshme për të përcaktuar nëse këto implante janë të përshtatshme për ju. Dr. Zhuka do të shikojë me kujdes rrezet X, rezultatet laboratorike, si dhe historinë tuaj mjekësore, në mënyrë që të përgatitet plotësisht për ndërhyrjen tuaj. Shëndeti juaj oral do të vlerësohet me kujdes për të identifikuar çdo problem që mund të paraqesë ndonjë rrezik për komplikime në vazhdim. Stafi ynë do të sigurohet të marr të gjitha masat e nevojshme për të garantuar një procedurë të sigurt dhe të suksesshme për çdo pacient. Për të parë se si do të jetë rezultati përfundimtar i implanteve dentare, ne realizojmë edhe skanime 3D për të parë se si do të duken rezultatet.

Dita E Operacionit

Pasi të jenë bërë të gjitha përgatitjet, doktor Zhuka do të përgatisë llojin e qetësuesit dentar që do të përdor para procedurës. Pavarësisht nëse pacienti ka zgjedhur anestezinë lokale ose qetësimin IV, të dyja metodat janë ideale për mpirjen e zonës të operacionit në mënyrë që eksperienca të jetë plotësisht pa dhimbje. Pas kësaj, doktor Zhuka do të bëjë prerje të vogla dhe të sakta në indin e mishit të dhëmbëve për të arrirë në kockën zigomatike. Implantet zigomatike më pas do të vendosen drejtpërdrejt në kockë në kënde 45 gradë. Pozicionimi arrihet me saktësi absolute, falë përvojës dhe ekspertizës së Doktorit.

Pasi implantet të jenë vendosur në vend, Dr. Zhuka do të vendosë abutmentet që funksionojnë si pjesë lidhëse midis implantit dhe dhëmbëve të rinj. Prerjet qepen me kujdes dhe zona pastrohet nga gjaku dhe mbetjet. Për të siguruar që pacienti të mos mbesë pa dhëmbë pas procedurës, do të vendoset një protezë e përkohshme. Në një fazë të mëvonshme, pasi goja të jetë shëruar, do të vendoset kurora mbi abutmentin. Për të siguruar një përshtatje të përsosur dhe rehati optimale, mund të bëhen disa prova dhe ndryshime të vogla.

Rikuperimi Dhe Shërimi

Pas përfundimit të operacionit, pacienti do të shkojë në një dhomë të posaçme ku mund të pushojë dhe të pres që efekti i anestezisë të bie. Dentisti juaj do t’ju jap udhëzime të detajuara për kujdesin pas operacionit dhe do të rekomajdojë ilaçe kundër dhimbjeve sipas nevojës. Rikuperimi pas implanteve zigomatike është zakonisht më i shkurtër krahasuar me implantet tradicionale. Ndjenja e parehatisë dhe ënjtja e lehtë janë simptoma normale, por do të zhduken brenda pak ditësh.

Çfarë Duhet Të Merrni Parasysh Përpara Se Të Vendosni Implantet Zigomatike

Edhe pse implantet zigomatike janë një zgjidhje e përkryer për pacientët me humbje të rëndë kockore në maksillë, ka disa gjëra që duhet të keni parasysh përpara se të konsideroni këtë trajtim.

Kirurgjia E Implantit Zigomatik Është Më Komplekse 

Krahasuar me implantet tradicionale, kirurgjia e implantit zigomatik konsiderohet një ndërhyrje më sfiduese. Kjo për shkak se operacioni kërkon një teknikë të saktë për të siguruar suksesin e saj. Jo të gjithë dentistët janë të kualifikuar për të kryer operacionin e implantit zigomatik. Dr. Roland Zhuka ka kryer disa trajnime, kualifikime dhe seminare në institucione arsimore prestigjioze jashtë vendit, duke përfshirë Italinë, SHBA-në, Lisbonën dhe Berlinin. Me +20 vite përvojë dhe certifikime të shumta në rezymenë e tij, Dr. Zhuka ka krijuar reputacionin e tij si lider në fushën e implantologjisë së avancuar në Shqipëri. Nëse do t'i nënshtroheni operacionit të implantit zigomatik, sigurohuni që të zgjidhni një profesionist të kualifikuar dhe me përvojë siç është Dr. Zhuka.

Implantet Zigomatike Mund Të Jenë Më Të Shtrenjta

Kostoja e operacionit të implantit zigomatik mund të jetë më e lartë, duke marrë parasysh kompleksitetin e procedurës. Vendosja e një implanti të vetëm tradicional është një ndërhyrje shumë më e thjeshtë, prandaj shpenzimet që lidhen me të janë më të lira. Megjithatë, nëse keni nevojë të zëvendësoni disa dhëmbë që ju mungojnë dhe vuani nga humbja e rëndë e kockave në nofull, implantet zigomatike janë padyshim alternativa më e mirë. 

Periudha E Rikuperimit Është Ende E Nevojshme

Vendosja e menjëhershme e implanteve bën të mundur që pacientët të ikin nga klinika me një grup të plotë dhëmbësh pa pasur nevojë për disa vizita të njëpasnjëshme. Praj, pacientët mund të shijojnë funksionalitetin dhe pamjen e re të dhëmbëve të tyre menjëherë! Kjo është një nga arsyet pse rikuperimi pas implanteve zigomatike është më i shkurtër në krahasim me implantet tradicionale. Sidoqoftë, faza e rikuperimit është ende e nevojshme. Menjëherë pas ditës së operacionit, pritet të ndjeni pak dhimbje, shqetësim ose ënjtje. Nëse nuk kujdeseni për veten dhe shëndetin tuaj dentar gjatë ditëve të rikuperimit, implantet nuk do të shërohen siç duhet prandaj, disa ushqime dhe aktivitete të caktuara duhet të shmangen menjëherë pas procedurës për të evituar komplikimet dhe për të pasur një shërim sa më të shpejtë. 

Pyetjet Më Të Shpeshta 

Pse Disa Pacientë Kanë Nevojë Për Implante Zigomatike?

Pacientët që nuk kanë densitet të mjaftueshëm të kockës në nofullën e sipërme për të mbështetur implantet tradicionale duhet të konsiderojnë alternativa të tjera të implanteve dentare, si implantet zigomatike. Pra, nëse nuk jeni të përshtatshëm për implantet dentare të zakonshme ose për procedurat "all-on" ose nuk dëshironi ti nënshtroheni transplantimit të kockave, implantet zigomatike mund të jenë zgjedhja e duhur për ju.

Nga Se Përbëhen Implantet Zigomatike?

Implantet zigomatike përbëhen nga të njëjtat materiale si implantet tradicionale të dhëmbëve. Titani i pastër është shpesh zgjedhja e preferuar, për shkak të stabilitetit, qëndrueshmërisë dhe cilësive të tij të osseointegrimit të cilat nuk krahasohen me anjë tjetër.

A Jam Një Kandidat I Përshtatshëm Për Implantet Zigomatike?

Nëse nuk konsideroheni si pacient i papërshtatshëm për implantet tradicionale për shkak të humbjes së densitetit të kockave, implantet zigomatike do të jenë zgjedhja e duhur për ju. Megjithatë, vetëm një dentist profesionist do të jetë në gjendje të identifikojë siç duhet procedurën që i përshtatet rastit tuaj specifik. Nëse doni të dini nëse jeni një kandidat i përshtatshëm për kirurgjinë e implantit zigomatik, rezervoni një konsultë online me Dr. Zhuka për një konsultim falas. 

Sa Është Jetëgjatësia E Implanteve Zigomatike?

Implantet zigomatike janë një zgjidhje afatgjatë për humbjen e dhëmbëve. Ashtu si implantet e zakonshme, implantet zigomatike ofrojnë funksionalitet dhe qëndrueshmëri optimale dhe zgjasin për shumë dekada me kujdesin e duhur.

A Dhemb Procedura E Implanteve Zigomatike?

Edhe përse disa pacientë shqetësohen për dhimbjet që lidhen me operacionet dentare, procedura e implantit zigomatik kryhet nën anestezi lokale ose qetësues IV. Rrjedhimisht, pacienti nuk përjeton asnjë lloj dhimbjeje gjatë operacionit. Megjithatë gjatë orëve të para pas ndërhyrjes, gjithçka mund të menaxhohet lehtësisht me ndihmën e qetësuesve kundër dhimbjeve që do t’ju rekomandojë dentisti juaj. 

Cila Është Shkalla E Suksesit Të Implanteve Zigomatike?

Studimet kanë treguar se operacioni i implantit zigomatik ka një shkallë të lartë suksesi, e cila tejkalon 95%. Që kjo të jetë e mundur pacientët duhet t'u përmbahen udhëzimeve postoperative të dhëna nga dentisti i tyre. Nëse kujdeseni mirë për shëndetin tuaj dentar duke ndjekur praktikat e duhura të higjenës, implantet zigomatike do të jenë një sukses i madh!

Sa Kushton Operacioni I Implantit Zigomatik Në Shqipëri?

Kostoja e kirurgjisë së implantit zigomatik mund të ndryshojë shumë në varësi të faktorëve të tillë si kompleksiteti i rastit, numri i implanteve të kërkuara, etj. Në përgjithësi, këto procedura janë pak më të shtrenjta në krahasim me implantet tradicionale të vetme. Kjo për shkak se ato janë më komplekse dhe specifike. 

Megjithatë, implantet zigomatike në Shqipëri janë një nga opsionet restauruese më të përballueshme në të gjithë Europën. Dr Roland Zhuka ia ka kushtuar karrierën e tij fushës së implantologjisë së avancuar dhe qëllimi i tij kryesor është që procedura të tilla komplekse t'i bëjë të arritshme për këdo. Nëse dëshironi të mësoni më shumë rreth çmimeve tona të kirurgjisë së implantit dentar, rezervoni një konsultë falas online me Dr. Zhukën.

Sa Kohë Duhet Për Të Përfunduar Protezën Përfundimtare?

Falë implantologjisë me vendosje të menjëhershme, ndërhyrjet e implantit zigomatik mund të përfundojnë brenda një dite të vetme. Vendosja e një proteze fikse mund të kryhet në 72 orë, gjë që është një avantazh i jashtëzakonshëm për pacientët që dëshirojnë të shijojnë buzëqeshjen e tyre të re sa më shpejt.