Pyetjet më të zakonshme rreth fasetave dentare

Buzëqeshja është një nga tiparet më të spikatura të një personi. Lajmi i mirë është se nëse nuk jeni të kënaqur me pamjen e buzëqeshjes suaj, fasetat mund të përdoren për të korrigjuar disa probleme në të njëjtën kohë. Fasetat prej porcelani janë zgjidhja ideale për një rinovim të shpejtë dhe të mahnitshëm të dhëmbëve tuaj. Me një pamje natyrale, ato janë një nga trajtimet më efektive të stomatologjisë estetike. Sidoqoftë, shumë njerëz kanë pyetje dhe paqartësi lidhur me këtë procedurë. Më poshtë do të trajtojmë disa nga pyetjet kryesore të pacientëve tanë lidhur me fasetat dentare.

Çfarë janë fasetat dentare?

Fasetat janë veshje të holla dhe të forta të përbëra nga materiale që përshtaten me ngjyrën e dhëmbëve. Ato ngjiten në sipërfaqen e dhëmbëve për të përmirësuar pamjen e tyre.

Cilat janë llojet e fasetave?

Porcelani dhe composite bonding (materiali që përdoret për mbushjen e dhëmbëve) janë dy përbërësit kryesorë të fasetave. Kur bëhet fjalë për rezistencën ndaj njollave, fasetat e porcelanit (të cilat zakonisht përgatiten në laborator) janë më rezistente se materialet e tjera.

Si të zgjedh midis fasetave prej porcelani dhe atyre me “composite bonding”?

Për të gjetur zgjidhjen më të mirë për nevojat tuaja, flisni me dentistin tuaj. Composite bonding është një opsion i arsyeshëm nëse dhëmbët janë në gjendje të mirë dhe nevojiten vetëm rregullime të vogla. Nëse pacienti kërcet ose shtrëngon dhëmbët, ose nëse dhëmbët e tyre janë të ndarë, të thyer ose të zbardhur, zgjidhja më e mirë mund të jenë fasetat prej porcelani.

Si funksionon vendosja e fasetave dentare?

Vendosja e fasetave prej porcelani zakonisht kërkon një procedurë me disa hapa. Si fillim duhet të rezervoni një takim me dentist, ku mund të diskutoni qëllimet dhe shqetësimet tuaja. Dentisti juaj do t’ju shpjegojë se si fasetat mund të personalizohen për situatën tuaj unike, proces i cili mund të përfshijë marrjen e mbresave dentare ose realizimin e grafive dentare. Pë pas vjen përgatitja e fasetave për dhëmbët, gjë e cila përfshin krijimin e mbresës dhe lyerjen e një pjese të vogël të strukturës së dhëmbit. Pas kësaj, ngjiten fasetat e përkohshme. Këto faseta të përkohshme ndërrohen me faseta përfundimtare, të cilat ngjiten fort në dhëmbë, në seancën vijuese.

Me composite bonding, dentisti do të ngjisë materialin mbushës tek dhëmbët tuaj dhe do të heqë një pjesë të vogël të strukturës së dhëmbit në vetëm një takim. Krahasuar me fasetat e porcelanit, ky lloj trajtimi është më pak i qëndrueshëm dhe më pak rezistent ndaj njollave.

Çfarë avantazhesh sjellin fasetat dentare?

Fasetat dentare ofrojnë përfitime të shumta sepse kërkojnë një reduktim minimal të strukturës së dhëmbëve, duke ruajtur sasinë maksimale të dhëmbëve tuaj natyralë. Këto faseta jo vetëm që përmirësojnë buzëqeshjen tuaj, por gjithashtu përshtaten me mishrat e dhëmbëve tuaj. Zgjedhja e fasetave të porcelanit ju lejon të personalizoni ngjyrën. Për më tepër, ato janë rezistente ndaj njollave.

A ka ndonjë anë negative të fasetave dentare?

Po, ka disa disavantazhe për t'u marrë parasysh. Pasi dhëmbi juaj përgatitet për fasetat, procesi është i pakthyeshëm. Riparimi i një fasete të plasaritur shpeshherë kërkon zëvendësimin e të gjithë fasetave. Zakonet si kafshimi pa mendje i lapsit ose kafshimi i thonjve duhet të shmangen, pasi ato mund të çojnë në dëmtimin e fasetave. Fasetat mund të mos jenë të përshtatshme për persinat me shëndet të dobët të mishrave të dhëmbëve ose për individët që bluajnë ose shtrëngojnë dhëmbët. Prishja e fasetave mbetet një rrezik, kështu që ruajtja e shëndetit të mirë oral dhe vizitat e rregullta dentare janë thelbësore.

Kush është kandidat i përshtatshëm për fasetat e porcelanit?

Nëse keni dhëmbë të njollosur ose të copëtuar, fasetat mund të jenë një opsion i shkëlqyeshëm për ju, duke ju siguruar një mbulesë për dhëmbët tuaj ekzistues. Ato janë një trajtim ideal për personat që ëndërrojnë të ndryshojnë pamjen e buzëqeshjes së tyre.

Kush duhet të shmangë fasetat e porcelanit?

Nëse keni probleme me prishjen e dhëmbëve, nuk këshillohet t’i mbuloni ato me faseta. Konsultohuni me dentistin tuaj për të trajtuar prishjen përpara se të merrni në konsideratë fasetat. Kërcitja e dhëmbëve gjithashtu mund të përbëjë një problem, por dentisti juaj mund të sugjerojë zgjidhje si përdorimi i një proteze mbrojtëse gjatë natës, për të mbrojtur fasetat tuaja nga dëmtimi.

Sa kohë mund të zgjasin fasetat e mia dentare?

Përgjithësisht, fasetat dentare kanë një jetëgjatësi prej rreth 5-10 vitesh. Me larje të rregullt me ​​furçë, pastrim me fill dentar dhe vizita të rregullta tek dentisti, ato mund të zgjasin edhe më gjatë. Pastrimi profesional çdo gjashtë muaj dhe kontrollet vjetore rekomandohen për mirëmbajtje optimale.

Sa faseta më duhen për rezultatet më të mira?

Për rezultatet më të mira estetike, rekomandohet që të keni një numër çift fasetash - dy, katër, tetë, dhjetë ose dymbëdhjetë. Për të përcaktuar numrin e saktë që ju nevojitet dhe nëse fasetat janë zgjedhja e duhur për ju, është e domosdoshme që të rezervoni një konsultë me mjekun tuaj.

Cila është rutina e duhur e kujdesit për fasetat?

Mirëmbajtja e fasetave tuaja është e thjeshtë. Larja me furçë dy herë në ditë për dy minuta, përdorimi i përditshëm i fillit dentar dhe përdorimi i një proteze për kafshimin gjatë natës mund të ndihmojë në mbrojtjen e tyre.Rekomandohet gjithashtu të shmangni ushqimet shumë të forta që mund të dëmtojnë fasetat e përparme.

Pse dikush mund të ketë nevojë të zëvendësojë fasetat dentare?

Edhe pse fasetat e porcelanit janë të forta, problemet si sëmundjet e mishrave të dhëmbëve që ekspozojnë rrënjët e dhëmbëve mund të nxisin nevojën për vendosjen e fasetave të reja. Integriteti i dhëmbëve të fasetave mund të kompromentohet pak, por me kujdesin e duhur - larja e rregullt e dhëmbëve, pastrimi i dhëmbëve me fill dentar dhe kontrollet e regullta - rreziku është minimal.

Sa kushton vendosja e fasetave?

Kostoja e fasetave të porcelanit ndryshon në bazë të vendndodhjes së klinikës dhe numrit të dhëmbëve të përfshirë. Shumë njerëz zgjedhin turizmit dentar në Shqipëri, pasi ofron shërbime të përballueshme, të sigurta dhe shumë efektive për vendosjen e fasetave dentare.

A mbulohen fasetat nga sigurimet shëndetësore?

Nëse fasetat mbulohen nga sigurimi varet nga plani juaj dentar. Disa ofrues sigurimesh mund të mbulojnë deri në 50% të asaj që ata e konsiderojnë një tarifë të arsyeshme, por është thelbësore të diskutoni procedurën me dentistin tuaj dhe ofruesin e sigurimit përpara se të kryeni pagesën.

Çfarë pyetjesh duhet t'i bëj dentistit tim përpara se të zgjedh fasetat?

• Kërkoni shembuj: Kërkojini dentistit tuaj të ndajë rastet e punimeve të mëparshme të fasetave, veçanërisht ato që ngjajnë me situatën tuaj.
• Pyetni për përvojën e tyre: Zbuloni se sa pacientë kanë trajtuar me faseta për të vlerësuar përvojën e tyre.
• Specializimi laboratorik: Pyetni nëse ata bashkëpunojnë me një laborator dentar të specializuar në realizimin e fasetave dentare kozmetike për rezultate optimale.
• Vështrim paraprak i fasetave: Pyetni nëse dentisti juaj mund të sigurojë një pamje paraprake se si do të duken fasetat tuaja përpara vendosjes së tyre të përhershme.

A mund të shikoj paraprakisht fasetat e mia përpara aplikimit përfundimtar?

Po, një pamje paraprake e buzëqeshjes tuaj në formë dixhitale mund të krijohet duke bërë një fotografi të fytyrës tuaj dhe duke vizualizuar në mënyrë dixhitale dhëmbët. Kjo pamje paraprake ofron një portretizimin real të rezultatit estetik, duke ju ndihmuar të vendosni nëse fasetat janë zgjidhja e duhur për ju.

Si mund të sigurohem që fasetat e mia përputhen me dhëmbët e tjerë?

Dentisti juaj do të kujdeset për këtë gje. Zakonisht, fasetat janë pak më të bardha se dhëmbët natyralë, ndaj mund të rekomandohet zbardhja e dhëmbëve për të arritur një estetikë harmonike.

A është i dhimbshëm procesi i vendosjes së fasetave?

Zakonisht, pacientët janë të mpirë gjatë procesit të vendosjes së fasetave, duke siguruar një procedurë pa dhimbje. Për rastet më të vogla, të tilla si dy ose katër fasetat, ka siklet minimal pasi mpirja ulet. Rastet që përfshijnë tetë ose më shumë faseta mund të sjellin pak dhimbje të mishrave të dhëmbëve dhe nofullës, gjë që mund të lehtësohet me medikamente pa recetë.

A do të nevojitet një procedurë për konturimin e mishrave të dhëmbëve?

Në disa raste, konturimi i mishrave të dhëmbëve mund të përmirësojë rezultatin kozmetik duke krijuar simetri dhe duke zgjatur dhëmbët e shkurtër. Shumica e këtyre procedurave shkaktojnë pak ose aspak dhimbje gjatë ose pas trajtimit. Konturimi kirurgjik është i rrallë, por mund të jetë i nevojshëm për dhëmbë shumë të shkurtër, në të cilin rast pacientët referohen te një periodontist për procedurën.

Çfarë ushqimesh mund të konsumoj pas vendosjes së fasetave?

Shumica e ushqimeve mund të konsumohen pa problem! Megjithatë, duke qenë se kafshimi i të gjithëve është i ndryshëm, ju rekomandojmë t'i përmbaheni ushqimeve më të buta për ditët e para derisa të përshtateni me pozicionin e ri të kafshimit. Pas disa javësh, zakonisht nuk ka kufizime. Ushqimet më të zakonshme që duhen shmangur janë: akulli, biskotat e forta, karamelet e forta, mollët me karamel, arrat e forta, farat e kungullit dhe kokoshkat.

Nga cilat zakone duhet të heq dorë?

Jepini lamtumirën zakoneve të këqija që ndikojnë tëk shëmbët! Kafshimi i thonjve, përtypja pipëzës së lëngjeve, kafshimi i pirunëve, hapja e çantave me dhëmbë, tërheqja e rrobave ose dorezave me dhëmbë ose çdo gjë tjetër që u krijon stres të panevojshëm fasetave duhet lënë.

Po sikur një nga fasetat e mia të bie?

Mos e shtypni ende butonin e panikut – është e rrallë, por ndonjëherë një fasetë mund të bjerë. Mundohuni ta ruani atë (mos përdorni ngjitës!) dhe telefononi dentistin tuaj sa më shpejt të jetë e mundur. Dhëmbi juaj mund të jetë paksa i ndjeshëm ndaj ushqimeve ose lëngjeve të ftohta pa fasetën e tij.

A mund të ndjek të njëjtën rutinë të përkujdesit dentar pas vendosjes së fasetave dhe a janë ende të nevojshme kontrollet dentare?

Absolutisht! Lajini të gjithë dhëmbët në të njëjtën mënyrë si zakonisht dhe kryeni të gjitha kontrollet e rregullta tek dentisti.

Si funksionojnë Lumineers?

Lumineers, një markë komerciale e fasetave prej porcelani, mund të vendosen pa asnjë përgatitje dhëmbësh (pa shpime ose bluarje). Ky opsion potencialisht i kthyeshëm konsiderohet një alternativë ndaj fasetave tradicionale.

Lumineers apo fasetat prej porcelani – Cilin opsion duhet të zgjedh?

Nëse situata juaj dentare e lejon, fasetat tradicionale të porcelanit mund të bëhen në mënyrë të ngjashme me Lumineers pa përgatitje të dhëmbëve. Konsultohuni me një dentist për të gjetur trajtimin më të mirë për ju.