Fasetat dentare janë një nga trajtimet më të mira që përdoren për të përmirësuar pamjen e dhëmbëve tuaj. Ato janë veshje të holla që mbulojnë pjesën e përparme të dhëmbëve tuaj duke korrigjuar pamjen e dhëmbëve të copëtuar, të thyer apo të zverdhur për një pamje më estetike.
Fasetat dentare ngjiten përgjithmonë tek dhëmbët tuaj me ndihmën e materialeve ngjitëse dentare të posaçme.
Fasetat dentare mund të jenë prej porcelani ose një materiali kompozit të njohur me emrin “resin”. Çdo lloj materiali ka përfitimet dhe disavantazhet e tij, të cilat do t'i shpjegojmë më tej.
Fasetat dentare zakonisht përdoren për të mbuluar të gjithë dhëmbët e përparmë, por ndonjëherë ato mund të përdoren edhe për të përmirësuar pamjen e vetëm njërit dhëmb. Rezervoni një konsultë në klinikën e Dr. Roland Zhukës nëse jeni të interesuar për procedurat dhe kostot e fasetave dentare në Shqipëri.
Cilat janë llojet e ndryshme të fasetave dentare?
Fasetat dentare vijnë në dy lloje: porcelani dhe kompozite. Të dyja këto procedura kanë avantazhet dhe disavantazhet e tyre.
Hapi i parë i procedurës së vendosjes së fasetave dentare është reduktimi i një pjese të hollë të smaltit të dhëmbëve. Kjo do t’i lejojë që fasetat të ngjiten siç duhet mbi dhëmb. Procesi kryhet nën efektin e anestezisë lokale, kështu që ju nuk do të ndjeni asgjë.
Reduktimi i smaltit të dhëmbëve e bën procedurën e fasetave dentare të pakthyeshme, që do të thotë se dhëmbët tuaj do të ndryshohjnë përgjithmonë dhe do të duhet të kenë patjetër faseta për të shmangur dëmtimin dhe ndjeshmërinë.
Faseta porcelani
Nëse dëshironi që dhëmbët tuaj të rinj të duken sa më natyralë, atëherë zgjedhja e duhur do të ishte porcelani. Hapi i parë i procedurës është reduktimi i smaltit dhe marrja e masave të dhëmbëve dhe modelit të kafshimit. Ky model do të dërgohet në një laborator dentar ku do të dizajnohen fasetat e reja.
Fasetat e porcelanit duan rreth 3-4 ditë për t'u përfunduar. Pasi të jenë gati, dentisti do t'i vendosë në dhëmbët e përgatitur. Gjatë periudhës së pritjes, dentisti mund të përdorë faseta të përkohshme për të mbuluar dhëmbët.
Faseta komopozite me “resin”
Fasetat dentare të bëra nga materiali “resin” prodhohen në një mënyrë shumë të ndryshme nga fasetat prej porcelani. Para se të aplikojë një shtresë të hollë të materialit në dhëmbin e përgatitur, dentisti duhet së pari të reduktojë sipërfaqen e dhëmbit.
Nëse është e nevojshme, dentisti do të aplikojë shtresa shtesë të materialit për të arritur rezultatet e dëshiruara. Hapi i fundit i procedurës është ngurtësimi i materialit kompozit me një dritë të posaçme.
Faseta pa përgatitje
Këto lloj fasetash janë prej porcelani. Megjithatë, ato janë më specifike dhe kërkojnë më pak kohë për t'u vendosur. Gjithashtu, këto lloj fasetash nuk janë aq invazive sa llojet e tjera.
Ndryshe nga llojet e tjera të fasetave, fasetat pa përgatitje nuk ndikojnë aq shumë tek dhëmbët pasi shtresa nën smalt nuk preket. Procedura gjithashtu nuk kërkon përdorimin e anestezisë lokale dhe përfundon në një kohë relativisht të shkurtër.
Cilat janë përfitimet e fasetave dentare?
Qëllimi i fasetave dentare është kryesisht përmirësimi i pamjes së dhëmbëve. Pas përfundimit të trajtimit ju do të keni një buzëqeshje më të ndritshme dhe estetike. Disa nga problematikat kryesore që mund të trajtohen me ndihmën e fasetave dentare përfshijnë:
- Zverdhje apo njollosje e rëndë e dhëmbëve që nuk mund të trajtohet me trajtim profesional për zbardhimin e dhëmbëve.
- Dhëmbë të copëtuar ose të thyer.
- Boshllëqe midis dhëmbëve.
- Nëse dëshironi që dhëmbët tuaj të duken më të mëdhenj.
- Dhëmbë me formë të pazakontë.
Në varësi të llojit të fasetave që zgjidhni dhe sa mirë i ruani ato, fasetat mund të zgjasin për një kohë shumë të gjatë, përpara se të kenë nevojë të zëvendësohen. Në përgjithësi, ky është një investim i denjë afatgjatë për shëndetin tuaj dentar.
6 këshilla për zgjedhjen e fasetave më të mira për buzëqeshjen tuaj
Nëse po mendoni të vendosni faseta dentare, ka disa gjëra që duhet t'i merrni parasysh. Hapi i parë dhe më i rëndësishmi është zgjedhja e klinikës dhe dentistit të duhur.
Ekspertë të fushës do t'ju ndihmojnë të siguroheni që të zgjidhni llojin e duhur të fasetave. Më poshtë, ne do t’ju listojmë 6 këshilla të rëndësishme që do t'ju ndihmojnë të zgjidhni llojin e duhur të fasetave dentare për buzëqeshjen tuaj:
- Meqenëse ka shumë lloje të materialeve për faseta, është mirë të diskutoni me dentistin tuaj përfitimet dhe disavantazhet e secilit prej tyre.
- Fasetat nuk janë të lira. Megjithatë, çmimi do të ndryshojë sipas llojeve të ndryshme të materialeve. Përpara se të bëni zgjedhjen, merrni parasysh buxhetin tuaj dhe diskutojeni atë me dentistin tuaj.
- Është shumë e rëndësishme të zgjidhni ngjyrën e duhur të fasetave, veçanërisht nëse jeni duke zëvendësuar vetëm një dhëmb. Nëse zgjidhni një ngjyrë më të bardhë se ngjyra e dhëmbëve të tjerë natyralë, faseta do të bie në sy dhe të duket false.
- Faseta të ndryshme kanë shkallë të ndryshme qëndrueshmërie. Pyesni dentistin tuaj për jetëgjatësinë e tyre.
Kuptoni nevojat tuaja
Zgjedhja e llojit të duhur të fasetave nuk është e thjeshtë. Ka shumë faktorë që duhen marrë parasysh, duke përfshirë qëndrueshmërinë, koston dhe pamjen estetike. Ky hap do të jetë shumë më i thjeshtë me ndihmën e një dentisti profesionist.
Hapi i parë i kësaj procedure është një ekzaminim i plotë me një dentist. Pasi të shikojë nga afër dhëmbët tuaj dhe indet përreth, ai do të vendosë nëse jeni një kandidat i përshtatshëm për këtë trajtim. Nëse jeni, atëherë ai do t’ju shpjegojnë llojet e ndryshme të fasetave.
Kur bëhet fjalë për zgjedhjen e çdo lloj trajtimi dentar, kostoja është një faktor shumë i rëndësishëm. Fasetat nuk konsiderohen të lira, megjithatë disa materiale mund të jenë më të përballueshme.
Qëndrueshmëria e fasetave dentare është një tjetër faktor i rëndësishëm që duhet konsideruar. Kur bëhet fjalë për rezistencën, fasetat prej porcelani janë lloji më i mirë, por janë gjithashtu më të shtrenjta. Fasetat kompozite nga ana tjetër nuk janë aq të qëndrueshme sa ato të porcelanit, por janë më pak të kushtueshme.
Meqenëse qëllimi i fasetave dentare është të ndryshojë pamjen e dhëmbëve tuaj, pamja estetike që dëshironi të arrini nuk marrë parasysh gjithashtu. Fasetat e porcelanit mundësojnë arritjen e rezultateve më natyrale ndërsa fasetat kompozite janë pak më të dukshme. Në bazë të nevojave tuaja specifike dhe rezultateve që prisni, dentisti juaj do t'ju ndihmojë të bëni zgjedhjen e duhur midis këtyre materialeve.
Konsideroni materiale të ndryshme
Ka disa materiale që përdoren për të bërë fasetat dentare dhe secili ka të mirat dhe të këqijat e veta. Lloji më i zakonshëm i fasetave është porcelani pasi ofron një pamje tepër natyrale.
Prandaj, ato janë gjithashtu zgjedhja më e shtrenjtë. Ndërsa fasetat kompozite janë më pak të kushtueshme se fasetat e porcelanit, ato nuk janë aq të forta. Konsulta me dentistin për zgjedhjen e materialit më të mirë për fasetat tuaja specifike është thelbësore.
Merrni informacion rreth mirëmbajtjes se fasetave
Kur bëhet fjalë për kujdesin për fasetat tuaja dentare, mirëmbajtja mund të jetë e ndryshme në varësi të materialit që zgjidhni. Për shembull, duke qenë se fasetat e porcelanit duken më mirë dhe zgjasin më shumë, ato kërkojnë pak më shumë kujdes se fasetat kompozite.
Pas përfundimit të trajtimit, dentisti juaj do t'ju rekomandojë se çfarë hapash duhet të ndiqni në mënyrë që fasetat tuaja të zgjasin sa më shumë. Kjo mund të përfshijë shmangien e disa ushqimeve dhe përdorimin e mjeteve specifike për t'i mbajtur ato të pastra.
Lexoni komentet dhe qëndroni të informuar
Diçka që do t'ju ndihmojë të bëni zgjedhjen e duhur për fasetat tuaja dentare është të lexoni komentet e klientëve të mëparshëm. Këto kërkime të thjeshta do t'ju ndihmojnë të kuptoni se si duken dhe funksionojnë materiale të ndryshme.
Duke lexuar komentet e kaluara nga pacientë që kanë vendosur faseta dentare do të mund të kuptoni më mirë se çfarë mund të prisni dhe për çfarë duhet të keni kujdes. Për më tepër, do të kuptoni më mirë avantazhet dhe disavantazhet e llojeve të ndryshme të fasetave, si dhe një ide se cilat prej tyre mund të jenë më të mirat për ju.
Përveç leximit të komenteve nga klientët e mëparshëm, është gjithashtu një ide e mirë të qëndroni të informuar rreth zhvillimeve më të fundit në fushën e stomatologjisë. Në këtë mënyrë do të informoheni për çdo teknikë të re që mund të jetë e dobishme për ju.
Cili është ndryshimi midis fasetave, kurorave dhe implanteve?
Megjithëse fasetat, kurorat dhe implantet dentare përdoren të gjitha për të përmirësuar funksionalitetin dhe pamjen e dhëmbëve tuaj, ato nuk janë të njëjta. Funksioni i fasetave është të ndryshojnë pamjen e dhëmbëve tuaj dhe për ta bërë këtë vetëm një pjesë e smaltit të dhëmbit do të ndryshohet.
Krahasuar me kurorat dhe implantet, fasetat janë gjithashtu më pak invazive. Për të vendosur si duhet fasetat ju duhet të hiqni vetëm disa shtresa të smaltit të dhëmbëve, ndërsa me kurorat nevojitet të hiqet rreth 70% e strukturës së dhëmbëve.
Kur bëhet fjalë për implantet dentare, këto procedura janë shumë të ndryshme nga njëra-tjetra. Ndërsa fasetat dentare synojnë të ndryshojnë vetëm pamjen e dhëmbëve tuaj, implantet do të zëvendësojnë të gjithë strukturën. Procedura e implantit kërkon disa muaj për t'u përfunduar dhe më pas ndiqet nga vendosja e një kurore dentare.
Përfundime
Zgjedhja e klinikës së duhur dentare për fasetat tuaja dentare është një vendim shumë i rëndësishëm. Ky vendim duhet të merret me ndihmën e një dentisti profesionist si Dr. Roland Zhuka.
Është e rëndësishme të merren parasysh disa faktorë të rëndësishëm si kostoja, pamja dhe rezultatet që dëshironi të arrini. Duke bërë kërkimet e duhura dhe duke marrë parasysh çdo faktor, mund të jeni të sigurt se do të zgjidhni llojin e duhur të fasetave që do t'ju ndihmojnë të shijoni një buzëqeshje të re për shumë vite.
Pyetjet më të shpeshta në lidhje me fasetat dentare në Shqipëri
Çfarë janë fasetat dentare?
Fasetat dentare janë veshje të holla të bëra prej porcelani ose një materiali kompozit “resin”. Ato mbulojnë vetëm pjesën e përparme të dhëmbëve dhe përmirësojnë pamjen e tyre në mënyrë drastike. Zakonisht ato do të rekomandohen në rastet kur pacienti dëshiron të përmirësojë formën ose dëshiron të rregullojë boshllëqet dhe njollat në dhëmbë.
Sa kohë zgjasin fasetat?
Meqenëse fasetat dentare zakonisht prodhohen nga materiale të cilësisë së lartë, ato zgjasin për shumë vite. Megjithatë, është shumë e rëndësishme që të kujdeseni siç duhet për to duke i larë me furçë dhe duke përdorur fill dentar dy herë në ditë. Në një moment, fasetat do të duhet të zëvendësohen për shkak të procesit normal të konsumimit dhe ndryshimeve të tjera që normalisht ndodhin me dhëmbët.
A jam një kandidat i përshtatshëm për fasetat dentare?
Nëse jeni një kandidat i përshtatshëm për fasetat dentare përcaktohet nga një dentist profesionist. Gjatë konsultës fillestare, dentisti bën një ekzaminim të plotë të gojës suaj dhe vendos nëse duhet të vazhdoni me vendosjen e fasetave apo të zgjidhni një opsion tjetër.
Sa kushtojnë fasetat në Shqipëri?
Numri i dhëmbëve që kërkojnë përmirësim dhe lloji i materialit të përdorur për fasetat do të përcaktojë koston e fasetave dentare. Është e rëndësishme të kuptoni se fasetat kushtojnë më shumë se procedurat e tjera dentare si mbushja ose zbardhimi profesional, veçanërisht fasetat prej porcelani.
Shqip 
English 
Italiano 
Français 